Таны хэзээ ч хараагүй 50 зураг!!! /Цуврал-1/

Эхлэлийн өмнө

Цаг хугацаа гэж. Яасан хурдан хэрнээ чимээгүйхэн урсдаг эд вэ. Найзууд минь аль хэдийн 20 нас хүрээд, зарим нь тун удахгүй төрсөн өдрийн бялуун дээрээ нэг лаа нэмэх гэж байна. Яагаад ч юм, ойрд блог бичсэнгүй. Юу ч бичээгүй, бичье гэж бодсон ч завдал нь болохгүй дэндүү удчихаж. Хэтэрхий удчихаж, дэндүү олон юмыг орхичихож.

***
Нэгхэн жилийн өмнө би блог бичих хоббитой байлаа. Твиттерт бичих бүр донтой болчихсон байлаа. Харин одоо их юм өөрчлөгджээ. Aватар гарчихаж, Испани дэлхийн аварга болчихож, "Их Гурав" Майамид бүрдээд, М.Фокс хуримаа хийчихэж :D Хүн бүхэн фэйсбүүк хэрэглэж, твийтэд ч нэлээн харагддаг болчихож. Би өөрөө ч блогоо хаяад, нэг хүнийг үхтлээ санаад, хөгжмөндөө мансуурч, РС-ээ ширтсээр, амьд нэртэй үхсэн сэг болчихож.
***

6-р 15нд Цэнгүүн маань 19 нас хүрчихэж, блогоороо дамжуулж баяр хүргэсэнгүй. 7-р сарын 24-нд Өлзий маань 20 нас хүрчихэж, ахиад л блогт маань нийтлэл тавигдсангүй. Өнгөрсөн жил ангийнхан яг энэ үеэр зугаалганд явж байж, хаашаа явах саналаа сайхан хэлэлцээд энд мэтгэлцэж байж. Гэтэл энэ жил юу ч байсангүй.

***
Нэг сайхан хөлбөмбөг тоглодог байж билээ. Зааланд хулгайгаар ороод, нар мандахтай зэрэгцээд холбооны талбай руу гүйгээд яаж ийж байгаад тоглодог байж билээ. Сайхан цаг байсан ч юм уу, бодож санах юмгүй. Гэтэл өнөөдөр, бүгд л завгүй том хүмүүс болж, ийм байсан нь ч дээр биз дээ.

Эхлэл

Өнөөдөр РС-ээ ухаж яваад зөндөө зөндөө зураг оллоо. Блогт лав тавигдаагүй зурагнууд. Блогт байтугай надаас өөр хэний ч үзэж байгаагүй олон зурагнууд оллоо. Тэгээд тэр болгоныг яаж тавих вэ гэж бодож байгаад ийм нийтлэл биччихлээ. Зүгээр л дэмий дэмий юмнууд байгаа дөө.

***
Танд зориулан өөрийн PC-н дээр байгаа таны үзээгүй гэж бодож байгаа зурагнуудыг тавьж байна. Хүүхэд болгоны зургийг олохыг, доор нь тайлбар бичихийг хичээлээ. Эхний цувралыг хүлээж авна уу. Удахгүй аягүй гоё том юм бэлдчихсэн байгаа, тэрийгээ задалж блогоо хаясан гэмээ цайруулнаа, амалж байна :)


1.Бөөнөөрөө №1
Энэ жилийн цагаан сарын үеэр Баяка багшийнд авахуулсан зураг. Хэнд ч байхгүй гэдэгт итгэлтэй байна.


2.Бөөнөөрөө №2
Нэлээн дээр үеийн Аваргуудын лигийн тоглолтыг үзсэн 131dg-ийнхэн UB PALACE-ийн гадаа авахуулсан зураг. Ямар тоглолт байсныг санаж байгаа хүн байна уу?


3.Бөөнөөрөө №3
Энэ жилийн 4 сарын 1-нд манай ангийн гурвал Япон явж суралцах гэж байхад гаргаж өгсөн нөхдийн авахуулсан зураг байна. Нацгаатай хувилбарыг дараагийн цувралд оруулах болноо.


4.Баатка
Баатка маань удахгүй ирэх ёстой. Яг хэзээ гэдгийг нь мэдэхгүй байгаа ч тун удахгүй л байх ёстой. Аль эсвэл ирчихсэн байгаа ч юм бил үү. Энэ зургийг ямар эх сурвалжаас авснаа мэдэхгүй байгаа ч таны лав үзээгүй зураг байх :D


5.Бажгаа
Бажгаа маань Замын-Үүдэд хамтлагтайгаа хамт "ажиллаж" байгаа. ДАШТ-д зориулан North DUcks хамтлагийн гаргасан дууг та сонсож үзсэн үү. Үгүй бол сонсоорой гэж зөвлөе. Тун удахгүй болох PlayTime Наадамд бас оролцох болно. Universe Best Songs наадмын 4-р шатны шалгаруулалтын дараа авахуулсан зураг.


6.Баттөр
Жолооны курсээ саяхан төгсөөд үнэмлэхээ аваад л яваад өгсөн гэж эх сурвалжаас сонссон. Хотоос ойрхон хөдөө ажиллаж байгаа байх. Хэзээ ч юм нэг өдөр хаана ч юм сууж байхдаа Уртаатай хамт авахуулсан зураг. /TSE-д сууж байх шиг байна, гэхдээ хэзээ гэдгээ санадаггүй ээ, сануулаарай/


7.Баттогтох
Үнэхээр холбоо тасраад удаж байна. Хааяа мессенжерт харагддаг байсан одоо бүр харагдахаа ч больж. Урд хөршид л сурж байх учиртай юмсан. Холбоотой нэгэн нь сэтгэгдэл дээр үлдээгээрэй. Энэ зургийг Урлагийн үзлэгийн үеэр авахуулсан бололтой. Ховорхон л зургуудын нэг.


8.БЕК
Зарим эх сурвалжийн мэдээлж байгаагаар ФМ-ийн хөтлөгч болж буй ЭЗС-ийн ЭЗО-ийн ангийн дарга БЕК энэ зургийг сургуулийнхаа урд хичээлийн жилийн сүүлчийн өдөр авахуулсан болно.


9.Будмаа
Зуунмодод байх зуслан дээрээ хүүхэд /!!! :P/ асран сууж байгаа. Энэ зургийг Universe Best Songs наадмын эхний шалгаруулалтанд оролцохынхоо өмнөхөн авахуулсан юм. Тиймээ, та андуураагүй, Будмаа дуулсан, гоё дуулсан :).


10.Бээгий
Бээгий минь бокс тоглож, сагсаар хичээллэж л байгаа байх. Хамгийн сүүлд зааланд нэг таарсан санагдаж байна, даанч бас хэтэрхий удчихаж дээ. Ээй, энэ зурган дээр хамт хэн байнаа??? Хэхэ, лав нэгэн жилийн урлагын үзлэгийн дараа бололтой.


11.Бямбаа
Сургуулийн шигшээ болон 131dg-ийн шилдэг довтлогчдын нэг "Шимбаа" Бямбажав хаалган дээр зогсож байна гэвэл та итгэх үү? Тиймээ, яг ийм явдал болсныг батлах зургийг та яг одоо харж байна. Манай хүн уул нь Японд Iphone-той болчихсон нетэд байнга байх боломжтой ч өрөөнд нь сүлжээ муу барьдаг гэж эх сурвалжаас сонссон.


12.Дагваа
Дагваа минь өчигдөрхөн 20 нас хүрсэн. Ангийнхан кино үзнэ гээд оффлайн үлдээчихсэн байсан хэхэ. Төрсөн өдрөө сайхан тэмдэглэсэн биз ээ, энэ зурган дээр ч сайхан инээмсэглэсэн байна шүү, юунд ингэж баяссан юм болоо?


13.Галаа
ОХУ-д сурч байгаа манай Галаа эх орондоо ирчихсэн байгаа. ДАШТ-ий үеэр хэд хэд таарч хөлбөмбөг хамтдаа үзсэн. Манай хүн одоо ч амарч л яваа байх. Энэ зураг хэзээ ч юм лав Монголоос явах гээд хэдэн нөхөд нь вокзал дээр гаргаж өгөх гээд зогсож байгаа зураг байна. Бараг л уйлах гэж байна, үгүй гэж үү?


14.Гээдээ
Гээдээ маань хотод амарч байгаа бололтой, нетэд нэлээд харагдаад л байгаа. Энэ зургийг нэлээн дээр надад нэрээ нууцлахыг хүссэн хүн өгөхдөө "хүүхэд хүчирхийлж буй робот" гэдэг нэр өгөөрэй гэсэн юм. Энэ жинхэнээсээ хэнийг яагаад байнаа?


15.ЛМО
Манай блогийн амин сүнс, Монголын урдаа барих програмчдын нэг болон өсөн дэвжиж буй ЛМО маань Азийн бүсийн Програмчлалын олимпиаддаа идэвхтэй бэлдэж байгаа. Энэ жил медалийнхаа өнгийг өөрчлөх зорилго өвөртөлж байгаагаа нуугаагүй. Энэ зургийг МТҮП-ийн дээвэр дээр 3.18-нд авчээ.


16.Маргад
Энэ зургийг Маргад маань нэлээн дээр надад өөр олон "аймшигтай" зурагнуудын хамт өгч байсан. Гэвч +18 төрөлд хамаарагдах болчихоод байсан учраас блогт нийтлээгүй өнжсөн :P. Анагаахынхан ямар нөхцөлд хичээлээ үздгийг түүний энэ зурагнаас л бид мэдэх боломжтой байх.


17.Мигаа
Энэ жилийн Японы Засгийн Газрын шалгалтанд тэнцэж ангийнхаа нөхдийн араас ирэх жил явах өндөр магадлалтай болсон Мигаа өдгөө ярилцлагандаа бэлдээд гэртээ байж байгаа байх. Энэ зурган дээр хэн яг Мигаагийн хоолноос аваад байнаа?


18.Мөнхсаруул
Манай гадаадад сурч байгаа төлөөлөгчдийн нэг Мөнхсаруул маань өдгөө АНУ-д байх учиртай. Facebook дээрээс зарим нэгэн мэдээллийг, тухайлбал NBA FINALS дээр аль багийг дэмжсэн эсвэл үерхлийн тухай асуудлыг мэдэх боломжтой. Энэ лав өнгөрсөн жилийн зугаалганы үеэрх зураг бололтой. Юуг ингэж гүнзгий бодном бэ, Мөөгий минь.


19.Мядгаа
Анагаахад сурч байгаа "Дүрсгүй Охин" нэрээр блогт сэтгэгдэл бичиж танил болсон Мядгаагийн зураг олох хамгийн хэцүү даалгавруудын нэг байлаа. Энэ бол 3.18-нд хөвгүүдээ баярлуулсан охидын цугларуулалтын үеэр авсан санаандгүй нэгэн зураг юм.


20.Мөнхзаяа
Манай ангийн хамгийн нууцлаг гишүүдийн нэг Мөнхзаяагийн Глобал Удирдагч нэвтрүүлэгт орж байх үеийн зураг. Яг энэ өнцгөөс авсан зураг блогт тавигдаж байгаагүй юм. Зарим эх сурвалжийн мэдээлснээр тэрээр клипэнд тоглосон бөгөөд Глобал Удирдагч Дээд сургуульд сурч байгаа аж.


21.Нацгаа
Манай Японд суралцаж байгаа төлөөлөгчдийн нэг Нацгаагийн РС тоглоомын газар ид тоглож байгаа зураг олдлоо. Энэ Их Дэлгүүрийн хажуу талын РС-нд л бололтой. Нацгаагийн өөр олон зургийг та бүхэн Facebook-ээс харах боломжтой.


22.Нямхүү
Ангийн урианд нэрээ оруулаад амжсан азтай хүү Нямхүү маань уулзалт зохион байгуулж, РС тоглож амралтаа өнгөрүүлж байгаа байх. МКС-ийн ОМ-ийн ангийн оюутан СЭЗДС дээр юугаа хийж явж байсан байж таарах уу?


23.Хулан
Хулан маань ажил хийж байгаа сурагтай. Нэг очиж хоол авахуулах ёстой л байгаа, ажил нь лав 4 замын тэнд гэсэн. Харин энэ зураг их түүхтэй зураг аа. Монголын хамгийн том мэдээний сайтуудын нэг News.mn-ий тамгатай энэхүү зураг Элсэлтийн шалгалттай холбоотой бүх мэдээн дээр хавсаргаддаг. Өөрөө ч яг шалгалтаа өгч байгаа бололтой.


24.Энхүүш
СЭЗДС-ий шилдэг, алдартай сурагчдын нэг, СЭДЭЛ клубын ерөнхийлөгч Энх-Оргилын нэгэн караокед авахуулсан тун "дэггүй" зураг. Энхүүш маань яг одоо гэрийнхэнтэйгээ хамт Хөвсгөлд амарч яваа, ирж байгаад гоё нийтлэлээр бэлэг барих байхаа.


25.Чой
Чой "Мама" гитар тоглож байна!!! Үнэхээр ховор агшин биш гэж үү. Хамгийн сүүлд 56 дээр хөлбөмбөг тоглоход ирсэн. SW багийн гол тоглогчдын нэг болсон гэж ойлгосон. Юутай ч түүнд хоол сайн хийхээс гадна гитар тоглох нууц авьяас байдаг бололтой.

Үргэлжлэл бий: Тун удахгүй...