Мөнхийн өрсөлдөгчид болох Англи Германы шигшээ багууд шөвгийн 16-д таарахад хэн ч тоглолт 4:1-ээр дуусна гэж бодоогүй байх. Магадгүй энэ тоглолтын гол үйл явдал тоглолтын 39 дэх минутад өрнөсөн байж болох юм. Лампардын оруулсан тэнцээний гоолыг шүүгч анзаараагүй нь дэндүү том гэхэд багадахаар алдаа байсан юм. Шүүгчийн энэ шийдвэр англичуудын хамаг аз од,хүчийг нь “хулгайлчихлаа” гэхэд хэлсдэхгүй биз.

Гэхдээ англичууд энэ тоглолтод яаж “тэнэгтсэнийг” эргээд нэг харъя:

Эхний гоол- Терригийн “тэнэгтэлт”

Тоглолтын 19 дэх минутад Германы шигшээ багийн хаалгач Нойер өөрийн тавын шугамнаас бөмбөгийг цохиход тэр нь шууд гоолын дамжуулалт болов. Энэ гоол дэлхийн шилдэг хамгаалагчдын нэг Терригийн байраа хаяснаас болж орсон. Толгойгоороо гайхалтай сайн тоглодог Терри шийдвэрлэх тоглолтод бөмбөгний нисэлтийг ч зөв тооцож чадалгүй байраа хаяж “тэнэгтсэн”. Та Терригийн “тэнэгтэлтийг” давталтаас харж болно.

За энд 6сарын өмнө буюу шинэ жилээр авуулж байсан зарим зургийг тавилаа. Үзээрэй

ДАШТ-ний хэсгийн тоглолт өндөрлөж хасагдах шатны тоглолтууд эхлэх гэж байгаа энэ үед ямар баг дэлхийн аварга болно гэж та бодож байна ? ... Магадгүй жил жилийн ДАШТ-д түрүүлэх магадлалтай багуудын нэгдүгээр эгнээнд бичигдэж үеийн үед сүпер байдаг Бразил , ямар ч бүрэлдэхүүнтэй байсан үргэлж “машин” шиг байдаг Герман, Месси болон Марадоноа тэргүүтэй Аргентин , 1966 оноос хойш алтан цомын бараа хараагүй хөлбөмбөгийн эх орныхон болох Англи, тэртээх 60 жилийн өмнө үзүүлсэн амжилтаа ахиулах байтугай давтаж үзээгүй 2008 оны Европын аварга Испани, үргэлж үзүүштэй тоглолт үзүүлдэг Нидерланд, дэлхийн шилдгүүдийн нэг Роналду тэргүүтэй Португалын аль нэг нь “алтан цомыг” баараагүй авна гэж ихэнх хүмүүс бодож байгаа байх . Гэвч азиудаас нэг нь , аль эсвэл хойд болон төв америкчуудаас нэг нь “алтан цомыг” өргөх ч юм билүү, бөмбөг бөөрөнхий шүү дээ...Гэхдээ бөмбөг бөөрөнхий учраас уруу газар луу л өнхөрдөг...

19н жилийн босгон дээр ийнхүү өгүүлрүүн. Миний бие Жаргал овогтой Батмягмар нь өнөөдөр буюу 2010 оны 06 сарын 18нд 19н настай золголоо. Ийн туулсан амьдралд минь алдаж оносон нь хичнээн олон байгааг би тоолж гүйцэхгүй юм, юутай ч оносон хэсэг нь та бүхэнтэйгээ учирсанд явдал юм гэж би бодлоо. Та нөхөдийг уурлуулж гомдоож бачимдуулж явсан бол та нөхөд өнөөдөр төрсөн өдөрийн билэг болгож уучилж өршөөгөөрэй. Хүн гэдэг амьтан цөөхөн цөөхөн жил амьдардаг тэр багахан хугцаандаа юу хийж ю бүтээснээ дүгнэж байх хэрэгтэй гэдэг үг юутай онож хэлээвдээ. Харин дүгнэж хэлэж буй энэ дүгнэлтэд та хэдийн маань асар том зай байдаг юм шүү ангийхаан нөхөд, тоглож инээж уйлж явсан андууд та бүхэндээ миний бие маxбодь миний бодол санаа миний бүх зүйл үргэлж баярлаж хүндэтгэж явдаг юм шүү хэдүүлэнгийх нь энэ үерхэл хэзээ ч сөнөж хэзээ ч энэ ариун гал бөхөхгүй гэдэгт итгэж найдаж залбирна. Best friends forever

Өнөөдөр манай цагаар хорин нэгэн цагаас хөлбөмбөгийн 19-дэх удаагийн ДАШТ эхлэх гэж байна. Дөрвөн жилд нэг болдог хөлбөмбөгийн их баяр наадамд торгон ирэн дээрээ байгаа,”хүч бяр” нь жигдэрсэн 32 баг хүч үзэхэд бэлэн болоод байна.