Грекийн агуу философич Сократ нь МЭӨ 470 оны үед Грекийн Афинд төржээ. Түүний аав нь зураач, ээж нь эх баригч байсан байна. Бага байхдаа ээжийнхээ ажлыг ихэд сонирхон, ажлыг нь ажиглан ихэнхи цагаа өнгөрөөдөг байжээ. Аав ээж нь дээгүүр түвшний хүмүүс байсан ч Сократ өвлөж авсан эд хөрөнгөө хүмүүсийн тусын тулд үрэн таран хийсэн байна. Хамаг цагаа цэц булаацалдсан, ном хаялцах мэтгэлцээн дээр өнгөрөөнө. Хэл амаараа хэнд ч дийлддэггүй сайн маргаанч тул дийлдэгсэд нь хорссондоо түүнийг зодож хариугаа авах нь ч цөөнгүй байсан гэдэг. Харин Сократ үүнд нэг их эмзэглэдэггүй байсан гэдэг. Тэрээр 2 удаа гэрлэсэн. Эхнэрүүд нь хоорондоо таарамж муутай байсан бөгөөд хэрэлдэх тоолонд нь Сократ сонирхон ажиглаж суудаг байж. Гэр бүлийн талаар "Эхнэр авсан ч, аваагүй ч ялгаагүй чи гэмших л болно" хэмээсэн нь бий.
Өвөл зунгүй хөл нүцгэн, нэг л хуучин муу хувцсаа хэдэрч явдаг тэрээр Афины театрт очихдоо л гагцхүү сандаль өмсдөг байжээ. Энэ нь түүний өвөрмөц зан араншинтай холбоотой мэтээр олонтаа бичицгээдэг ч, үнэн хэрэгтээ их сэтгэгч тийм ядуу зүдүү амьдралтай байсных юм. "Зугаа цэнгэл, чамин тансаг байдлыг бид аз жаргал гэж нэрлэдэг. Миний бодлоор юу ч хүсэхгүй байна гэдэг бурхдын мөн чанар. Тиймээс тийм ч их зүйл хэрэгтэй бишийг ойлгох нь энэ аугаа их жаргалд дөхөж очих хамгийн боломжийн арга" түүний хэлсэн энэ үгнээс л хамгийн жирийн байхыг хүсэж, эд хөрөнгийг тоодоггүй байсныг харж болох юм.Мөн тэрээр ямар нэгэн юмны талаар бодож бясалгах шаардлага гарвал зогсож байсан газраа маш удаан хугацаагаар зогссоор байдаг байсан бөгөөд хотын оршин суугчид түүнийг харах гэж ихээр цуглардаг байсан байна.
Сократ нь хот даяараа шүтэн дагадаг бурхадыг хүлээн зөвшөөрдөггүй, ондоо шинэ бурханы номыг түгээдэг,залуучуудыг замбараагүй зүйлд уруу татдаг гэж буруутгагдаад цаазаар авахуулахаар болсон байна. Гэсэн ч энэ нь улс төрийн зорилготой байсан гэж зарим зохиолд тэмдэглэсэн байдаг. Учир нь тэрээр Афины ардчиллын зарчмыг шүүмжилж, албан тушаалтныг шодож сонгодог журмыг буруушаадаг байсан.Тэгээд тэрээр Афинд төрж өсөн бүхий л амьдралаа өнгөрүүлж хамгийн сүүлд Афины шүүхийн өмнө буруутгагдаж хор уун үхсэн гэдэг.
Монголчууд эрт дээр үеэс хахир хатуу, хүйтэн өвлийг давж урин хавартай золгосны баяр болгон билгийн тооллын хаврын тэргүүн сарын шинийн нэгнийг, цагаан сарыг угтан тэмдэглэсээр ирсэн билээ. XVII жарны тийн урвагч хэмээх төмөр барс жил айлчлан ирж хотол олноороо шинэлэн, цагаалж, өтгөс хөгшдөө хүндэтгэн, ахан дүүсээрээ цуглан, золголт хийн явагдаж байгаа энэ өдрүүдэд 131dg-ийн нийт хамт олонд болон нийт зочиддоо блогийн зүгээс сар шинийн мэндийг дэвшүүлэн сайхан шинэлж, санасан бүхэн тань сэтгэлчлэн бүтэхийн өлзийтэй ерөөлийг өөд өөд нь өргөн дэвшүүлж байна. Сар шинэдээ сайхан шинэлээрэй!!!
Өнөөдөр Канадын Ванкувер хотноо сүр дуулиантай нээлтээ хийсэн Өвлийн Олимпийн 21-р наадмыг 131dg-ийн гишүүдийн тайлбартайгаар үзэх боломж олдлоо. Бээжингийн Зуны Олимпийн наадмыг шууд дамжуулсан багийн хамтаар манай гишүүд болох Д.Батцэнгэл болон А.Ундрал нар UBS TV-ээр энэ сарын 13-аас эхлэн 3-р сарын 1-ийг хүртэл энэхүү тоглолтын тоймыг 15:00 болон 23:00 цагуудаас хүргэх болноо. Ингээд та бүхнийг хүн төрөлхтний эв нэгдлийн илэрхийлэл болсон олимпийн наадмаа UBS TV-ээр, 131dg-ийнхэнтэйгээ хамт үзээрэй!!!...
Жил бүрийн 2-р сарын эхний амралтын өдрүүдээр тохиодог Монголын Багш нарын баярын өдрийн мэндийг та бүхэндээ хүргэж байна. 44 дэх жилдээ тохиож буй энэ өдрийг тохиолдуулан бидэнд хичээл зааж байсан, эрдэм номын үүдийг нээж байсан, мэдлэг түгээж байсан бүх багш нартаа баярын мэндийг хүргээд цаашдын ажил бүтээл, амьдралд нь өндрөөс өндөр амжилтыг хүсэн ерөөе. Нарт хорвоод заяасан хамгийн нандин мэргэжил-багш хэмээх нэрийг зүүн ирээдүйн удирдагчид, жүжигчид, алдартнууд, эгэл суутнуудыг бэлтгэж байгаа тэр агуу хүмүүст мэхийн ёслон, хамгийн сайн сайхан бүхнийг хүсэж байна. Сайхан баярлаарай, мянга мянган чадварлаг шавь нарыг бэлтгэн гаргаарай.
Өнгөрсөн жил явагдан, хэдэн сарын турш Монгол орон даяар хэдэн мянган үзэгчдийг телевиз, дэлгэцийнх нь өмнө "уясан" Universe Best Songs нэвтрүүлэг дахин тун удахгүй эхлэх гэж байна. Өнгөрсөн жил манай ангийн Бажгаа маань өөрийн North Ducks хамтлагийн хамтаар оролцон 4-р шат хүрснийг та бүхэн санаж байгаа биз ээ. Тэгвэл энэ удаагийн тэмцээн манай ангийнхны хувьд, 131dg-ийнхний хувьд тун онцлогтой болох нь ээ. Бид ангийнхаа 3 дуучны хэрхэн дуулж, хэрхэн оролцохыг цэнхэр дэлгэцээр үзэх болох нь. Тодруулбал манай ангийн дарга Б.Оюунсайхан, мөн Ц.Будмаа, Ц.Баяржаргал нар маань тус бүрийн дугаартайгаар оролцохоор болон албан ёсоор бүртгүүлсэн мэдээг та бүхэнд блог хамгийн түрүүнд хүргэж байна. Ингээд тэдэндээ өндрөөс өндөр амжилт хүсэн, хамгийн хүчтэй, хамгийн цоглог, хамгийн шилдэг нь байгаарай гэж ерөөе. Та нар хамгийн хүчтэй хөгжөөн дэмжигчидтэй оролцогчид байх болно. Та нар чадна. БИД ҮРГЭЛЖ ХАМТДАА!!! АМЖИЛТ ХҮСЬЕ!!!
Өчигдөр 1-р сарын 31-ий өдөр тохиолоо. Хэн нэгэн хараад 2010 он гараад 1 сар өнгөрчихөж гэж, эсвэл бүтэн сайн өдөр сайхан амраад авнаа гэж бодсон байж болох юм. Гэхдээ энэ блогтой холбоотой, энэ блогийг уншдаг, 2008 онд 1-р сургуулийн 11г ангийг төгссөн, энэ ангитай холбоотой байсан хэн бүхэн энэ огноог хараад ойлгох биз. Өчигдөр, энэ өдөр бидний хувьд баярын өдөр, хүндэтгэлийн өдөр болох учиртай юм. Энэ нийтлэлдээ би энэ өдөр юу болсныг, хэн төрснийг эсвэл хэн үхснийг бичихгүй, харин энэ нийтлэлдээ 131dg-ийн тухай, түүний ирээдүйн тухай өөрийн бодлоо бичин сууна.
