...Viva La Vida...[ Vivir La Vida El Amor-Obtener El Amor]

Гарчиг маань Viva La Vida...Фрида Кало гэж зураачийн энэ бүтээлийн нэрийг ингэж хэлдэг. Бас Coldplay хамтлагийн сүүлийн цомгийн нэр. Монголчилбол "Урт удаан амьдар" гэсэн ерөөлийн үг... Зүгээр л нэг өдрийг өнгөрөөмөөргүй санагдаад, хичээлээ давтаад амрах далимдаа хэдэн үгнүүдийг нийлүүлж утгатай болгох гэж хичээлээ. Тэгэхдээ уул нь эхэндээ хайку нтр гэж бодоод байсан, wikipedia-аас хайкугийн тодорхойлолтыг уншчихсан болохоор зүгээр л шүлгүүд гээд л ойлгочих, товч бөгөөд тодорхой шүлэгнүүд... Тэгээд анхны шүлгүүдээ тавьж байгаа болохоор урам өгвөл баярлана, гэхдээ мэдээж шүүмжилбэл гомдохгүй ээ...

Ганцаардал тээсэн хараацай ниссээр
Улам дээшээ, улам гүн рүү-
Зүрх минь шархлах шиг... [...гансрал...]
**********************************
Түлхүүрийг нь тааруулсаар
Итгэлтэйгээр бас эрчтэйгээр-
Аз жаргалын хаалга... [...зорилго...]
**********************************
Тэнгэр өөд харах шиг
Сэтгэл рүү минь ч өнгийх шиг
Одод түгчихсэн байна уу? [...асуулт...]
**********************************
Урдаас минь инээмсэглэх
Амьдралын минь утга учир
Зүрх минь догдолно... [...хайр...]
**********************************
Өнчин гөлөгний нүд
Харамсмаар ч юм шиг өрөвдмөөр ч юм шиг
Өвөл бас үхэл... [...тавилан...]
**********************************
Аврал эрсэн харц
Зугтаахын аргагүй түүний тэр ширтэлт
Тэнгэр лүү мацахыг би хүснэ [...үхэл...]
**********************************
Ухаарал надаас зуурна
Тунирхал түүнийг минь надаас түлхэнэ
Төгсгөл зөгнөсөн учрал... [...эхлэл...]
**********************************
Бачимдал, бухимдал
Хэн миний амыг таглаад байна
Эрх чөлөө-хүсэл... [...итгэл...]