Таны хэзээ ч хараагүй 50 зураг!!! /Цуврал-2/

Нийтлэл маань нөхдүүдэд маань таалагджээ. Ойрд хараагүй их сэтгэгдэл, нэлээн удаан үзэгдээгүй хүмүүсийн бичснийг хараад их баярлалаа. Магадгүй ахиад өөр өөр ийм цувралууд зөндөө л гарахаар их арвин зургийн цомогтой гэдгээ мэдлээ.
Өмнөх үг дээр нь илүү дутуу юм бичиж чилээгээд яахав, гэхдээ Японы хэд маань нийлж байгаад ядаж нэг хэдэн зургаа тавиад, Энхүүш маань аяллын сониноо зурагтайгаа нийтлээд, бусад хэд маань яажшуухан байгаагаа тавиад байхад л хангалттай шүү дээ гэж. За ингээд ТАНЫ ХЭЗЭЭ Ч ХАРААГҮЙ 50 ЗУРАГ цувралын сүүлийн хэсгийг танд хүргэхэд бэлэн боллоо. Тавтай сууж, таалан соёрхож, тайван сэтгэгдлээ бичээрэй :D

26.Бөөнөөрөө №4
Зак, энэ өмнөх нийтлэл дээр хэлсэн байсанчлан 4 сарын 1-ий гаргалтын Нацгаатай хувилбар. Бас Баяка багш нэмэгдчихэж.


27.Бөөнөөрөө №5
МКС-ийнхэн дээр нэмэх нь БЕК. Цэцэнэгийн оронд БЕК нэмэгдсэн юм уу даа. Цэцэнэ, Бямбаа 2 байхгүй, одоо нэмээд Мигаа явна гэж. Цуутай математикчиддаа гэж.


28.Бөөнөөрөө №6
Аа харин эд нар бол ЭЗО-ийнхон. ЭЗС-ийнхан биш шүү. ЭЗО vs Ори ба түүний нөхөд хаха. Цэнгүүний мэргэжил сурталчлах өдөрлөг буюу цэргийн баярын үеэр авахуулсан зураг байна.


29.Бөөнөөрөө №7
Энэ зургийг их удаан хайж билээ. Уундаа миний биеийн төрсөн өдрийн зураг. 18 нас хүрээд ангийнхантайгаа байж байгаа нь. Энэ наана хэн нь орж чадсангүй вэ хэхэ.


30.Бөөнөөрөө №8
Энэ 2008 онд авсан зураг байна. Галаа маань л ирээд нэгэн өглөө Зайсан гарч хийморио сэргээсэн бололтой.


31.Батос
Манай ангийн "ах" нарын нэг Батос маань Монголдоо хэдхэн хоногийн өмнө ирсэн. Овоо гайгүй удах байх гэж найдаж байна. Харин энэ зураг бол түүний АНУ-д байхдаа авахуулсан зурагнуудын нэг хэсэг.


32.Очки
Очки маань найз охинтой болоод сагсаа ч тоглох завгүй яваа сурагтай. Фэйсбүүк, мессенжерийн алдартай хэрэглэгч түүний талаар илүү дэлгэрэнгүйг фэйсбүүк хуудсаас нь аваарай. Сургуулийн түүхэнд төрсөн хамгийн шилдэг хамгаалагчдын нэг тэрээр хэзээ ч юм нэлээн дээр авсан зааланд бөмбөгтэй байгаа зургийг энд оруулж байна.


33.Ори
Зуны амралтаараа Монголд ирсэн Оргил маань завгүйхэн яваа бололтой. Компаний ажилтай болж, оффист суугаа сурагтай байсан түүний фэйсбүүк статусыг харвал Булган аймаг руу явсан бололтой. Харин энэ зурагны хувьд цэргийн баярын үеэр авахуулсан бололтой. Хөгжилтэй л юм..


34.Оюундарь
Японд суралцаж байгаа манай ганц охин Оюундарийн маань зуны амралт эхэлчихсэн байгаа гэж өмнөх нийтлэлийн сэтгэгдэл дээр Тэмка маань бичсэн байсан. Анимегээ үзээд л, япон хэлээ сураад л амарч байгаа байхдаа, тийм үү. Харин энэ зургийг Монголд байхдаа авахуулсан бололтой.


35.Оюунсайхан
Ангийн даргатайгаа нэлээн дээр нэг таарсан. Улбар шаргал үстэй болж стилээ огцом өөрчилсан Оюунсайхан 4 замын тэнд нэгэн газар оффист ажиллаж байгаа бололтой. Яг нарийн юу хийж байгааг нь мэддэг хүн байвал сэтгэгдэл дээр үлдээхийг хүсье.


36.Пүнтүүз
Хэй хэй хэй, энэ чинь манай "ах" Пүрэвдаш шүү дээ. Зуны амралтаараа Монголд ирчихсэн байгаа Сөүлийн их сургуулийн оюутан маань 1-р сургуулийн урд бахдалтай нь аргагүй зогсчихсон зураг авахуулж байгаа нь энэ байна.


37.Сүхээ
За харин Сүхбат маань сурсан зангаараа бүжгийн хөдөлгөөнөө зааланд ч хийж байгаа зургийг та бүхэнд хүргэж байна. Тэрээр яг одоо АНУ-д ажил эрхэлж, амран зугаацаж байх учиртай. Бид түүний фэйсбүүк хуудаснаас нь хаагуур юу хийж яваа, ямаршуухан байгааг нь дор нь мэдэх боломжтой.


38.Тэмка
Харин энэ бол манай ангийн бахархлуудын нэг Тэмүгэ. АНУ явах зардлыг нь Голомт банкнаас дааж буй өдөрлөг сургууль дээр зохион байгуулагдаж, манай хэсэг нөхөд очиж ярилцлага өгсөн сурагтай байсан. Харин энэ зургийг бүгд 3 давхраас харсан байж болох ч яг ингэж РС-ээсээ үзэж байгаагүй болов уу.


39.Цэнгэл
Манай хөлбөмбөгийн шигшээ багийн ахлагч, 131dg-ийн арваны шилдэг хүн Цэнгэл маань яг одоо лигийн бэлтгэлтэй завгүй байна. Дээрэээс нь ФИФА-ийн дасгалжуулагчийн семинар-сургалтанд суун нэлээн ачаалалтай байгаа бололтой. Харин энэ зургийг UBS тв дээр өвлийн олимп тайлбарлаж байх үедээ авахуулсан юм.


40.Цэцэнэ
Аа харин энэ бол их түүхтэй зураг. Хэзээ ч билээ, нэгэн өдөр хэнтэй ч билээ явж байтал Цэцэнэ маань нэг бандитай алхаж яваатай таардын :P За тэгээд папараци хийж, хэдэн зураг авсан ухаантай юм. Чухам хэн гэдэг ямар хүн байсныг Цэцэнэ л мэдэх биз дээ. Харин Цэцэнэ маань амралтаараа Монголдоо ирчихсэн байгаа шүү.


41.Цолмон
Гадаадад сурч байгаа манай төлөөлөгчдийн нэг Цолмон маань энэ зун ирсэнгүй бололтой. Фэйсбүүк болон мессенжерт хааяа харагддаг манай хүн нэлээн чухал царайтай 31-д авахуулсан зургийг энд оруулж байна.


42.Төөгөө
Төөгөөгийн тухай та өөрийнх нь блогоос, фэйсбүүкээс нь үргэлж шинэ соргогийг мэдэх боломжтой. Түүний хэрхэн үсээ хуссныг, ямар бүжиг хийж байгааг нь, ямар бичлэг хийснийг гээд л. Аа харин энэ зураг бол дээр нэг Төөгөө ирээд Өргөө орчихоод буцах замдаа дэггүйтсэн үеийн зураг. Хувцастайгаа усан оргилуур луу орсон гэж байгаа.


43.Түвшээ
Санхүүгийн сайхан залуучуудын нэг Түвшээ маань амралтаа сайхан өнгөрүүлж байгаа байх. Хамгийн сүүлд Дэлхийн аваргын үеэр таарсан юм байна. Найз охиноо дагуулаад явж байхтай нь ч таарсан. Харин энэ зураг Оргилын машинд авахуулсан зураг бололтой.


44.Уундаа
За би одоо өөрийнхөө тухай юм бичих нь ч хаашаа юм тийм үү. Ингээл лав үхчихгүйхэн шиг л нетээ манаад л, нэг хүнийг үхтлээ санаад л байж л байна хэхэ. Энэ сая өнгөрсөн ДАШТ-ий үеэрх UBS-ий тайзан дээр авахуулсан зураг.


45.Өлзий
Саяхан 20 нас хүрсэн Өлзий маань ахынхаа ажилд туслан завгүй явж, дээрээс нь CSPORTS.mn-д нийтлэл бичин авьяасаа гайхуулсаар байгаа. Төрсөн өдрийн мэнд хүргэж амжаагүй нь сэтгэгдлээрээ мэнд хүргээрэй. Энэ гоё зураг биш гэж үү, хүндэт самбар дээр шүү дээ нөхдөө хэхэ.


46.Цэнгүүн
Уул нь энэ зураг Цэнгүүний зураг л даа. ЭЗС дээр мэргэжлээ сурталчилж ирсэн үед авсан зураг. Гэтэл яг эндээс харахад Түвшээгийнх ч юм шиг, Оргилынх ч юм шиг гарчихсан байна хэхэ. Гоё зураг!!


47.Яруу
Яруу маань манай ангийн хамгийн стильтэй залуу болсон бололтой. Хар нүдний шил, босгосон үс, удаан удаан алхаа, бодож бодож хэлэх үгс гээд л. КТМС-ийн ФИСС клубыг үндэслэж, сэтгүүл гаргаж, сургуульдаа чамгүй нэр олсон тэрээр яг одоо жолооны курст сууж байгаа.


48.Ёндоо
Ёндоо маань SW гэймс багийн гишүүн болсон. Тэрчлэн тэд нар өчигдөр цугларсан. Бас аймар лаг лаптоптой болсон гэсэн. Хэхэ, энэ зураг нэг шалгалтын дараа л 31-д авсан зураг бололтой.


49.Золоо
Манай ангийн хамгийн анхны "ээж" Золоо маань хүүхэдтэйгээ Тэрэлжид амарч байгаа сурагтай байсан. Ер нь ч цэвэр агаарт гарсан нь зүгээр байхдаа. Манай ангийн хэсэг нөхөд эргэж очсон байх учиртай, мэдээлэл байвал сэтгэгдэл дээр бичиж үлдээгээрэй. Ямар хүүхэд байна, нэр ус нь, царай зүс нь гээд л :D


50.Зоогий
Манай ангийн байтугай ЭЗС-ийн сайхан залуучуудын нэг Зоогийгийн энэхүү зургийг тийм ч их хүн хараагүй гэж найдаж байна. CSPORTS.mn-ийг үүсгэн байгуулалцаж, шилдэг нийтлэлчээр тодорч, удахгүй сэтгүүл гаргахаар зүтгэж байгаа тэрээр яг энэ зурган дээр юунд ингэж баярлан, хөөрсөн нь тодорхой биш л байна, Нямхүү, Тэмка 2 санаж байна уу?


Төгсгөлийн оронд.

Зураг түүх болон үлддэг. Чухам тэр үеийг хэзээд танд санагдуулж, сэтгэлийг тань сэргээн, дурсамжийг тань хөглөдөг. Та тэр зургийг хараад эргэн тойронд байсан анд нөхдийнхөө хөгжилтэй яриаг, хэн нэгний бүтэлгүйтлийг нэхэн санах болно.

Зураг дурсамж болон мөнхөрдөг. Хэзээ ч юм ирээдүйд, та хүүхдүүддээ, ач зээ нартаа эд бол миний найзууд юм шүү, жинхэнэ залуус байсан юм гэж гайхуулахыг, эд бол манай ангийнхан, жинхэнэ анги шиг анги байсан юм шүү гэж бахархахыг хүсэхгүй байна гэж үү. Төсөөлөөд үздээ, гайхалтай!!!

Энгийн юм хамгийн агуу байдаг гэдэг шиг, зүгээр нэг зураг өөртөө мянга мянган дурсамж, мянга мянган үгс, мянга мянган сэтгэл хөдлөлийг агуулдаг шиг. Аймшигтай!!!