FC 131dg МУИС-ын АВАРГА боллоо!!!

2009 оны 10-р сарын 11-ны өдөр 1-р сургуулийн спорт заал болон Улаанбаатар Дээд Сургуулийн зааланд МУИС-ын 2009 оны намрын аварга шалгаруулах заалны хөлбөмбөгийн тэмцээн амжилттай болж өнгөрлөө. Тэмцээнд МУИС-ын бүх салбар сургуулийн төлөөлөл болсон 24 багийн 160 гаруй тамирчид ур чадвараа сорин өрсөлдөн дүнгээ гаргасан юм. Уран уран гоолууд, гайхалтай дамжуулалтууд, оновчтой хүчтэй цохилтууд, тактикийн өрсөлдөөнөөр дүүрэн гал гарсан ширүүн тоглолтуудтай тус тэмцээнд манай ангийнхан одтой сайхан оролцож шилдэг довтлогчийн шагналыг нь алтан медальтай нь хамт хүртсэн мэдээг хүргэж байна.

Манай ангийнхан дээр суурилсан Г.Зол-Эрдэнэ ахлагчтай 131dg баг энэхүү тэмцээнд таарсан учраа болгоноо хожсоор 100 хувийн амжилттайгаар алтан медаль хүртэн, багийн довтлогч Н.Бямбажав 12 гоолтойгоор "Мэргэн Бууч"-ийн шагналыг авсан юм. Багийн бүрэлдэхүүнд манай гишүүд болох Г.Зол-Эрдэнэ, Н.Бямбажав, А.Ундрал, М.Өлзийхутаг нар болон МУИС-ын ЭЗС-ийн манай ангийнхны "эчнээ" танилууд Г.Бямбасүрэн, Э.Дөлгөөн, Ч.Алтан-Өлзий нар багтан анх удаа МУИС-ын аварга хэмээх цолыг хүртлээ. Мөн манай ангийн Х.Билгүүн болон Н.Нямхүү нар "ЭЗО-2" багийг ахлан, удирдан оролцож шилдэг 12 багийн тоонд багтсан амжилтыг үзүүлсэн юм. Тэмцээнийг зохион байгуулж, гайхалтай шүүлтийг хийсэн Б.Батзаяа, Д.Батцэнгэл, Ц.Баяржаргал, Э.Тэмүгэ, О.Энх-Оргил нарт онцгойлон талархлаа илэрхийлье. Ингээд тэмцээнээс хийсэн зурган сурвалжлагыг 131dg.blogspot.com та бүхэндээ хүргэж байна. Амжилттай оролцсон нийт ангийнхандаа болон багийнхандаа баяр хүргэе!!! БИД ҮРГЭЛЖ ХАМТДАА!!!

ТЭМЦЭЭНИЙ ШИЛДЭГ ХААЛГАЧ - Б.БАТПҮРЭВ /МТ-13/
ТЭМЦЭЭНИЙ МЭРГЭН БУУЧ - Н.БЯМБАЖАВ /131dg/
ТЭМЦЭЭНИЙ ШИЛДЭГ ТОГЛОГЧ: Г.Батбаяр /ОМ-1/
ТЭМЦЭЭНИЙ АВАРГА: FC 131DG
ТЭМЦЭЭНИЙ МӨНГӨН МЕДАЛЬТ: ОМ - 1 баг
ТЭМЦЭЭНИЙ ХҮРЭЛ МЕДАЛЬТ: МТ-13 баг