Номын цаг

Сайн байцгаана уу, амралтаа сайхан өнгөрүүлцгээж байгаа биздээ. Миний бие зуны амралтыг соёл иргэншлээс жаахан зайдуу өнгөрүүлж байгаа.Ойрд нийтлэл бичсэнгүй, харин одоо нэгэн сонирхолтой номыг та бүхэндээ танилцуулахаар ГЭНЭТ шийдэв.
Энэ орчлон ертөнц ямар хууль дүрмэнд захирагддагыг сонирхож байна уу?
Таны амьдралд танд таалагдахгүй зүйлс тохиолдоод байна уу? /ажил төрөл чинь ээлж дараалан бүтэлгүйтэх, мөнгөө алдах, бүтэлгүй дурлах г.м/
Эдгээр асуултуудыг өөртөө тавьж байгаа бол Александр Свияш-ийн "Карма" цуврал номуудыг уншаарай.

Уг номонд дэлхий нийтийн анхаарал чиглээд буй далд ертөнцийн талаар, мөн хүний ухамсар сэтгэхүй хэрхэн ажилладаг талаар, түүнийгээ амжилт ололтод хүрэхэд яаж ашиглах талаар дэлгэрэнгүй бичигдсэн байдаг.Бид заримдаа бурханд гуйлт хүсэлт тавьдаг шүү дээ, тэгвэл тэр маань жинхэнэ эзэндээ очдог уу, биднээс гарсан энерги хэнд хэрэгтэй вэ, бид зорилгодоо хүрэхээр тэмүүлэхдээ хэнийг ашиглаж хэнд өртэй болдог вэ гэх мэтчилэн онц сонирхолтой асуудлуудыг хөндөж шинжлэх ухаанч байдлаар тайлбар хийсэн байдаг.Хоёр болон гуравдах цувралуудын нэр нь "Алдаагаа засацгаая", "Хүссэндээ хүрцгээе" гэж байдаг, /харин эхний цуврал нь "Үйлийн үр гэж юу вэ" гэдэг билүү, тэгж санагдаж байна/
Ингээд уг цуврал номуудын 2дах ном болох "Алдаагаа засацгаая" номын оршилыг танилцуулъя:
"Хүндэт уншигч таны амгаланг айлтгая! Та зохист хорвоод хэрхэн амьдарч сурах тухай манай номын үргэлжлэлийг гартаа аваад байна...
Өмнөх номд бид хэт сайшаан шүтэх болон кармын сав гэсэн ойлголтуудыг оруулсан билээ. Энэ номд мөн сэдвийг үргэлжлүүлэн үзэх бөгөөд ухамсарт амьдралынхаа туршид гаргасан алдаа эндэглээсээ хэрхэн ангижирч болохыг тань эхний хэсэгт өгүүлэх болно. Бид кармын, ментал, эмоцийг биесээ цэвэрлэх арга техникийг санал болголоо. Үүнийг дэлхийн олон орны мянга мянган хүмүүс хэрэглэж байгаа бөгөөд бидэнд талархлын үгтэй захидлуудыг тасралтгүй илгээсээр байна.
Дараа нь бид танд энэ хорвоод харамсах зүйлгүй, ая тухтай амьдрахад тань туслах хэдэн байр суурийг санал болгоно. Та тэдгээр байр сууриас өөрийн сэтгэл санаа, зан төрх, амьдралын нөхцөл байдалдаа тохирох нэгийг сонгож авах боломжтой.
Эцэст нь бидний ямар нэг зүйл хүсч гуйх үед дээд тэнгэрт юу болдгийг тайлбарласан хувилбараа орууллаа.Тэнд хэн хэн байдаг, бидэнд ямар тохиолдолд аль нь тусалдаг, тэр тусламж бидэнд ямар байдлаар ирдэг зэргийг мөн тайлбарласан болно.
Манай нарийн ертөнцийн загвар нэлээд ер бусын, этгээд боловч Христийн шашны уламжлалт төсөөлөлтэй нэлээд ойролцоо байж магадгүй. Бид ямар ч шашны ном зохиолыг эх сурвалж болгож заагаагүй. Бид таныг хэдий зөв ч, хэн нэгний хэзээ нэгэн цагт хэлсэн үгээр амьдрах бус, хүн ухамсартайгаар үйл хөдлөлөө хийж амьдрахыг уриалж буй учраас зориудаар ингэсэн билээ...
Ийиээс та өөртөө сонирхолтой, ашиг тустай олон зүйлийг энэ номоос олох байх.Тэгээд таны амьдрал илүү амжилттай, ая тухтай болно хэмээн бид найдаж байна.Амжилт хүсье"
Аль ч өнцгөөс харсан нэг сайхан учры нь олоод уншчихад илүүдэхгүй ном шүү. Оюунлаг хэн бүхэнд таалагдана гэдэгт итгэлтэй байна. /Ангийн нөхрийн хувиар хэлэхэд заавал уншаарай ^_^ /