Untitled Post!

Амралт сайхан биз дээ, цаг агаар тогтворгүй, гадаа хүйтэн ч юм шиг халуун ч юм шиг, хөлбөмбөгийн бурхан тэнгэр зарим нэгийг нь ивээгээд ч байгаа юм шиг үгүй ч юм шиг, аль эсвэл конкурсан дээр өндөр оноо авчихсан ч юм шиг, бас үгүй ч юм шиг сонин гэгчийн өдрүүд үргэлжилж байнаа...Конкурс энээ тэрээ гээд сүржигнээд нетээ таслуулаад, хажууд нь нэгжгүй бүр ертөнцөөс тасарчихсан байж байгаад арай гэж нетээ залгуулаад блог луугаа орох гэтэл рс гажигтаад зураг ч оруулж болдоггүй. Хүссэнээрээ ч ажиллаж болохгүй байгаа учраас блогт шинэ нийтлэлүүд нэлээн удаж орж байгаад хүлцэл өчье.
Зугаалгаар ч хэзээ явах гээд байгаам бол мэдэхгүй, бусад ангийнхан бүгдээрээ л явчихсан, сүүлийнх нь сая өнөөдөр хотоос гарлаа л гэхийн. Энэ асуудлыг нэг хурдан шийдэх хэрэгтэй байнаа.
Хажууд нь Европын аварга эхэлчихээд бас бүтэн нойртой хонохгүй, биологийн цаг солигдчихоод л нэг манарсан юм л явж байна. Эхний тойргийн дараагаар багуудын өнгийг ажихад мэдээж манай Герман, "хулхи" Роналдогийн Португал, залуусаас бүрдсээ "нисдэг" Голланд, мөн мөнхийн лидер Раульгүй Испаниийн багуудын аль нэг нь түрүүлэх бололтой. Гэхдээ өнгөрсөн дэлхийн аваргад Францууд эхний 2 тоглолтондоо тэнцэж, Грекүүд бас сюрприз барьж байсныг мартаж болохгүй ээ. Бөмбөг бөөрөнхий шүү дээ...
Энэ 7 сард Испанид болох 49 дэх удаагийн Олон Улсын Математикийн олимпиадад оролцох Монгол улсын шигшээ баг мэдүүлгээ тэмцээний зохион байгуулагчдад өгсөн байна. Одоогоор Мигаа маань зургаа өгөөгүй байгаа бололтой, хүнд гар хурдан зургаа өгөөч ээ гэж албан ёсоор шаардаж байна. Эндээс дэлгэрэнгүй үзээрэй.
Харин Gums-ийнхан маань уран бүтээлдээ шамдан орж, харин хөлбөмбөгийнхөн маань Хүүхдийн Лигт орохоор Мазаалай багтай цуг бэлтгэлээ шамдангуй хийсээр байна.
Ингээд ангийнхан маань тараад явчихаар хэн юу хийгээд байгааг мэдэхээ больчихдог юм аа. Хурдхан шиг бүгдээрээ аuthor болоод өөрсдийнхөө адал явдлыг бичдэг болох цагийг би хүлээж байна.