Уншицгаа!!!

Блог маань байгуулагдаад нэгэнт 1 жил болчихжээ. Энэ хооронд 686 нийтлэл бичигдэж, ойролцоогоор 1000 гаруй сэтгэгдэл бичигдсэн байна. Мөн блогт өдөрт дунджаар давхардаагүй тоогоор 41 орчим хүн, дунджаар 123 хандалт хийгдэж байна. Анхнаасаа өдөрт ангийнхаа 39 хүүхдийг оруулан, тэднийг дунд нь холбох, шинэ мэдээлэл, сонин хачнаар дутаахгүйн тулд бас бус олон шалтгаантай хийгдсэн энэ блог өнөөдөр ихэнх зорилгодоо нэгэнт хүрчээ.

1 жилийн ойгоо сайхан тэмдэглэлээ, байнга шинэчлэгдэн, дэвшилтэт технологийг хэрэглэн, бас англи хэл дээр үйл ажиллагаагаа явуулж эхэллээ. Энэ бол амжилт мөн, бахдам амжилт гэж би баттай хэлье. Бүр бардамнахад дэлхий дээрээс манай блог луу хандаагүй улсыг олоход хэцүү болсон. Гэхдээ бүр ямар ч рекламгүй, холбоосгүй, бүр private гэсэн статустай байхад шүү!!!
Би, бид их сэтгэл хангалуун байдаг байлаа гэхдээ бас тийм биш байж ээ. Зарим нэг хүмүүс блог луу ордог байж байгаад орох дургүй болсон гэнэ. Бас их хүн гомдоохоор нийтлэл бичдэг гэнэ. Их алдаатай мэдээ оруулдаг гэнэ. Түүнийгээ засдаггүй гэнэ. Би тайлбар тавих дургүй, гэхдээ тавихаас өөр аргагүй болдог юм, заримдаа... Одоо нэг бүр сэтгэлээ онгойтол хэлэх үгээ хэлээд өгье.
"Зарим нэг хүмүүс блог луу ордог байж байгаад орох дургүй болсон гэнэ"-Сонин л юм. Тэр хүүхэд яагаад блог луу орохоо больсон юм бол?? Магадгүй дээр нэг оранж ч билүү икс охин ч билүү хэн нэгний бичиж байсан шиг өөрийг нь бичихээ больчихсон байх л даа. Өмнө нь бичдэг байсан юм байх. Үнэндээ миний хөх инээд хүрч байна. Тэгвэл жинхэнэ чиний хохь за юу... Та нар одоо блог дээр бичигдээд байгаа хүүхдүүд шиг байж чадахгүй байгаадаа өөртөө л гомд, тэгээд тэрийгээ битгий над руу, блог луу чихээд, бусад хүүхдүүдийг доромжлоод бай. Бид чамаар дутахгүй ээ, ор ч гэж албадахгүй. Угаасаа би одооноос хойш "АНГИЙН БЛОГТ ШИНЭ БИЧЛЭГ НЭМЭГДЛЭЭ.ЭНД ДАРЖ ОРЖ СЭТГЭГДЛЭЭ ҮЛДЭЭГЭЭРЭЙ" гэсэн үгийг мессенжер лист лүүгээ явуулахаа болилоо... Заримд нь садаа болдог юм шиг байна, уучлаарай... Тэгэхдээ тэргүй би хэнийг блог луу ордог, ороод уншдаг, уншаад сэтгэгдлээ бичдгийг, бас хэн нь үзэн яддагийг, тийшээ шагайдаггүйг бүгдийг нь мэднэ. /Хэлчихвэл бас нэр төрд нь элдэв юм хийчихлээ гэнэ байх л даа/
Би үргэлж ангийнхаа талд л байсаар ирсэн. Хэдийгээр би шилжиж ирсэн ч гэсэн ангийнхаа төлөө цохилох зүрхнийхээ тоо, ангидаа зориулсан санаа сэтгэлийнхээ тоо, үхүүлсэн эсийнхээ тоогоор чамаас, ер нь хэнээс ч илүү гарна уу гэхээс дутна гэж байхгүй гэдэгтээ итгэлтэй байдаг.
"Бас их хүн гомдоохоор нийтлэл бичдэг гэнэ"- Бас л нэг сонин юм. Бид аль болох хүн бүхнийг магтан, аль болох сайн талаас нь л бичдэг юмсан. Ямар ч үед өөрөө дургүй байсан ч тийм хүн гомдоохоор зүйл бичдэггүй юмсан. Ямар ч буруу зүйл хийсэн байлаа, аль болох зөвтгөөд л бичдэгсэн. Тийм нийтлэлээ өөрөө гаргаад ирээрэй, намайг асуусан чинь өөрөө хайгаад ол гэж байна лээ... Сэтгэгдэл дээр тийм нийтлэлийн жишээ гаргаад ирээрэй, би байхгүй гэдгийг мэдэж байна.
"Их алдаатай мэдээ оруулдаг гэнэ. Түүнийгээ засдаггүй гэнэ."- За яах вэ? Төгс хүн биш дээ, алдаа гаргаж л таараа... Заримдаа ганц нэг буруу мэдээлэл бичдэг л байх /гэхдээ тийм ч чухал биш/ үгүйсгэхгүй ээ... Андуураа л биз, тэгж ярьвал тэр талаар чинь бичиж байгаа нь их юм биш үү гэж би хэлмээр байна. Бичих ч ёстой биш гэж та нар бодож байсан уу? Намайг яагаад энэ блогийг тэнэг мал шиг бичээд, ямар ч ашиггүй байхад ажиллуулаад байгаа юм бэ гэж олон хүн хэлж байсан, тэр болгонд нь би үргэлж өөрийгөө хамгаалаад гардаг л байсан. Гэтэл би зарим нэг юмыг үзээд бас гутардаг, бас зарцуулсан цагтаа харамсдаг, бусдын л адил хүн шүү дээ.. Нарийн ярьвал би ямар ашигтай гэж энэ блогийг бичиж байгаа юм бол??? Бүр бялуу хүртэл бэлэглээд, цаг заваа гарздаад л... Би урам хугардаг, блогийнхоо байгаа байдлыг хараад биш, орж байгаа хүмүүсийн тоог үзээд биш, ганц хэн ч сэтгэгдэл бичиж, сэтгэл гаргахгүй байгаад... Бид наад нэг нийтлэлийг чинь зүгээр ч нэг биччихдэггүй юм шүү дээ, робот биш, бид гартай, сэтгэлтэй, хөлтэй, бас нүдтэй хүн... Бид их л хүчин зүтгэл гаргаад байгааг хараад ойлгохоор ухаантай хүмүүс юмсан, даанч нэг хэдхэн минут гаргаад санал бодлоо, шүүмжээ хуваалцчихаж болохгүй гэж үү... 1000 сэтгэгдэл дэндүү бага байна даа...Бүр ОРОЙГҮЙ СҮМ зохиолыг тавьж байхад гарын арван хуруунд багтахаар сэтгэгдэл бичигдэж байдаг!!! Үнэхээр харамсалтай бас хайран сканнердсан цаг минь гэж би бодмооргүй байна, би ядаж ангийнхаа хэдэн хүүхдэд буян болсон юм шүү гэж бодмоор байна..../ангийнхан маань чи чинь солиотой юм уу хаашаа юм, тийм их юм сканнердаад гэж хэлж байсан би тэвчээд л өнгөрсөн/ Ядаж та нар англи хэл дээрх блог луугаа ороод үз... Одоо хүртэл анхны сэтгэгдэл бичигдээгүй л байна!!!!!!! Тэвчээр, шантаршгүй зан 2 л хүнийг амжилтанд хүргэнэ гээд л дайрчихаж байгаамдаа...
Ядаж алдаа гаргасан бол цаг тухайд нь хэлж байлдаа.. Хэн ч хэлэхгүй, хэн ч сэтгэгдэл бичихгүй байгаа юмыг бид юуг нь засах юм бэ??? Бүр зарим нь "миний тухай алдаатай юм биччихсэн байна лээ" гээд хүмүүсээр дамжуулж хэлнэ гэж даанч бодсонгүй. Тийм л юм бол зарим нэг нь хоорондоо "энэ нэг хэдэн хийх юмгүй юмнууд шал дэмий юм хийх юм аа, цагийн гарз" гэж ярилцаж байхыг би мэдэхгүй юм байна даа...
За хэтэрхий урт юм биччихлээ, бас ойлгоход нэлээн хэцүү байж магадгүй /шууд бодлоо биччихлээ/ Та нар, тэр тусмаа "чи" намайг, биднийг ХҮН гэдгийг санаарай... Бид ч бас чам шиг уурлаж чадна, бухимдаж чадна. Бид гутардаг, гутарсандаа уйлдаг. Уйлсандаа шинийг хийх гэж эхэлдэг. Үр дүнг нь ч хардаг. Гэтэл...
Ийм их юм хийчихээд ийм үг сонсоно гэж санасангүй. Би үүнийг сонсчихоод гомдлоо, бас уурлалаа... Ядаж 1 жилийн баяр дээр маань ангийн тал нь ч цугларсангүй шүү дээ... Бас хэн ч одоог хүртэл блог бичиж байгаад баярлалаа, ангийнхан чинь та нарын талд шүү гээд ямар нэг урам орчихоор юм өгсөнгүй...Аль эсвэл миний анзаарахгүйгээр л юм хийгээд байна шүү... Би нэг их юм хүсээгүй, сэтгэгдэл аль эсвэл урам...Үүнийг уншаад та блог луу дахиж орохоо больж болино, аль эсвэл намайг жигшин зэвүүцэж болно, таны дур... Хэтэрхий эелдэг байхаар хүмүүс даврах юм даа...Гэхдээ би энд бүгдийг нь хамруулж бичээгүй гэдгийг бас ойлгоорой... Харин санал нийлж байвал яахаа мэдэж байгаа гэж найдаж байна...Одоо таны ээлж???