1-р сургууль 4:2 45-р сургууль

Нийслэлийн ЕБС-иудын дунд зохиогдож байгаа ДУУЛИАН-2020 заалны хөлбөмбөгийн тэмцээн өдгөө ид дундаа үргэлжилж байна. Өнөөдөр хэсгийн 4-р тойиргийн тоглолтууд болж өнгөрлөө. СБД-ийн 2-р хэсэгт багтсан манай сургуулийн баг 45-р сургуулийн багтай талбай дээр нь очиж тоглосон. Тоглохын төлөө ТТШ-аасаа чөлөөлөгдсөн ахлах нас л энэ удаа ялалт авлаа, бусад насныхан жаахан хангалтгүй тоглолоо.
1-р сургууль 4:2 45-р сургууль
Гоолууд: А.Ундрал /1:1/ Г.Зол-Эрдэнэ /2:1/ Д.Батцэнгэл /3:1/ М.Өлзийхутаг /4:1/
Шар хуудас: Д.Батцэнгэл, А.Ундрал
Багийн гол хамгаалагч Б.Очгэрэлийн эзгүйд 1-р сургуулийн баг ялалт байгуулж чадлаа. Өмнөх тоглолтонд улаан хуудас авсны улмаас энэ тоглолтыг өнжиж байгаа түүнийг Н.Чойсүрэн, Х.Билгүүн нар орлон тоглосон. Ер нь гарааны бүрэлдэхүүн энэ удаа нэлээн өөрчлөгдөж М.Өлзийхутагийн оронд Н.Бямбажавыг, Б.Түвшинбаатарын оронд хаалганд Б.Түвшинбаярыг, Б.Очгэрэлийн оронд Н.Чойсүрэнг илгээж, гараанд А.Ундрал, Д.Батцэнгэл нар тэдэнтэй хамт гарсан. Эхний гоолыг хамгаалагчийн алдааны улмаас алдсан ч сандралгүй 1-р үед тооны харьцааг тэнцүүлэн, улмаар 2-р үед тоглолт илт сэргэж, ялангуяа Д.Яруу, О.Энх-Оргил, Г.Зол-Эрдэнэ нар тоглолтын идэвхийг нэмэгдүүлж, багтаа ялалт авчирлаа.
Ингэснээр 1-р сургуулийн баг хэсгээс шалгарах эрхээ олж авч байгаа бөгөөд дараагийн тоглолтын дүнгээс үл хамааран дараагийн шатанд тоглоно, харин хэдээр вэ гэдгээ сүүлийн 2 тоглолтоос шийднэ. Дараагийн тоглолт 1-р сарын 26-нд 11-р сургуультай тоглоно, Дуулиан-2020-ийн амралт эхэллээ...