Punk’D буюу Бурхан 7-ийн хошигнол

Оройн хоолоо бүгдээрээ идэж байлаа, гэхдээ хамгийн түрүүнд Бурхан 7 хамгийн түрүүнд босон хоолны өрөөнөөс гарцгаалаа. Галаа, Түвшээ ирж Төөгөөг дуудаад явах нь тэр. Байдлыг ажвал ямар нэг юм болсон нь илт. Бид ч нэг их юм анзаарсангүй. Харин өрөөндөө ороод дөнгөж тохилоод охидоос чихэр гуйчихсан сууж байтал Мядгаа ирээд хөвгүүд сая гүйлдээд явсан тухай, Бурхан 7 хэсэг нөхдүүдтэй муудалцсан тухай сануулав.
Бямбаа, Мигаа, Тэмка бид хэд хамаг хурдаараа гадуур хувцсаа өмсөөд гарлаа. Сонсвол уул дээшэхнээ нэлээн юм болж байгаа нь илт. Гадаа харанхуй юу ч сонсогдохгүй ч гэсэн цас хаялан нэг л жавартай нь дотор муухайруулна.
“Шууд л дайраад л ороорой” гэж хэллээ. Тэмка маань зогсоод газраас томхон чулуу аваад хашааг нэгхэн оролдлогоор даваад цас босож, хүмүүс бужигнасан тэр газар луу гүйлдэн очлоо.
Гэвч энэ бүхэн тоглоом байжээ. Бурхан 7 биднээр даажигнасан хэрэг байв. Хамгийн гол нь энд бүх хүүхдүүд, бүх хөвгүүд итгэсэн нь байсан юм. Яг л энэ үед бид ямар ч хэцүү үед ангийнх нь хэн нэгэнд ямар нэг юм тохиолдолд хэн ч байсан “БиД ХАмТдАА” уриагаа хэлээд л урагшаа дайраад орох юм байна гэдгийг ойлгосон юм. Бүгдээрээ нэг ангийнхан гэж хэлүүлэх бүрэн эрхтэй улс.
Төөгөө маань ч гэсэн хууртагдсан. Сүүлд бүжгэн дээр Очки маань ч punk’d болсон. Бүр зодоон цохион энээ тэрээ, яриа жүжиглэлт гээд бүгд үнэхээр үнэн юм шиг байсан. Зарим нь бүр дүрдээ ортлоо жүжиглэсэндээ биеэ эвгүйтүүлчихээд ирсэн байсан.
Ярууг хамгийн сүүлд хошгируулахад мань нөхөр бантсандаа унтаад өгсөн, ийм л гайтай хэрэг энэ ангид дахиж бүү тохиолдоосой, дарамттай, зовлонтой юм байна лээ. Сүүлд нь жинхэнэ юманд хөдлөхгүй байж мэднэ шүү, хаширсан хүмүүс гэж хамгийн хэцүү нь байдаг юм шүү...