Шилдгүүд...

Энэ өдөр өнгөрөн одож буй 2007 оноо дүгнэн, хамгийн хамгийнаа тодруулсан байгаа. Ингээд дэс дарааллаар нь та бүхэнд ялагчдыг танилцуулъя.

1. Сурлагын салбарын ОНЫ ШИЛДЭГ СУРАГЧ


Энэ номинацид Н.Бямбажав маань ялагчаар тодорлоо. Түүнтэй Э.Тэмүгэ мөн өрсөлдөн санал тэнцсэн ч Бямбажавыг нэгдүгээрт бичсэн нь их байсан учраас Бямбаа маань ялагчаар тодорлоо. Тэрбээр энэ зун болсон ОУМО-аас мөнгөн медалийг эх орондоо авчирч, 3 өөр төрлийн УЛСЫН олимпиадаас зэрэг медаль хүртэн, олон олон медалийн арвин ургац хураасан, өдгөө УЛСЫН ШИЛДЭГ сурагч болох хамгйин магадлалтай сурагч билээ.
2. Спортын салбарын ОНЫ ШИЛДЭГ СУРАГЧ

Шилдгээр дахин дахин санал хураалтын эцэст Н.Оргил тодорлоо. Тэрбээр энэ жил болсон Триатлоны Улсын Аварга Шалгаруулах Тэмцээнд түрүүлж, алтан медаль хүртэн, Азийн аварга шалгаруулах тэмцээн, Азийн цомын тэмцээнд амжилттай оролцсон билээ. Харин түүнтэй эцсийн мөч хүртэл Батцэнгэл өрсөлдсөн. Түүний хувьд сургуулийн болон ангийн хөлбөмбөгийн шигшээ багийн ахлагч, мөн Мазаалай багийн хамтаар УАШТ, Хүүхдийн Лигт амжилттай оролцон, тоглосон юм.
3. Урлагийн салбарын ОНЫ ШИЛДЭГ СУРАГЧ

Мөн л 2 оролцогчийн санал тэнцэж, дахин санал хураалтын дараа Баяржаргал Батмягмарыг ялснаараа оны шилдэг сурагчийн шагналыг хүртсэн. Бажгаа маань энэ жил урлагийн үзлэгт амжилттай оролцон, PLAYTIME -2007 наадамд NORTH DUCKS хамтлагийн ахлагчийн хувиар оролцсон билээ.
4. ОНЫ ШИЛДЭГ БАГ
Энэ номинацид олон багууд өрсөлдөж, гал гарсан тэмцэл болсон ч Т.Саруултөгс ахлагчтай Сургуулийн бүжгийн аварга ARCTIC PENGUINS хамтлаг шилдгээр шалгарлаа. Тэдний хувьд гайхалтай дэглэлт, бүжгийн санаа, шийдэл, бүжигчдийн нэг баг болсон хүчирхэг хамт олны хүчээр сургуулийн аварга хэмээх цолыг хүртсэн билээ. Тэдэнтэй Язгуур урлагийн хамтлаг, Хөлбөмбөгийн 1-р баг, Сагсан бөмбөгийн баг хүчтэй өрсөлдснийг энд хэлэх нь зүйтэй.
5. ОНЫ ШИЛДЭГ УДИРДАГЧ



Энэ төрөлд олон хүчтэй удирдагч нар нэр дэвшин өрсөлдснөөс блогийн админ А.Ундрал ялагчаар тодорлоо. Тэрбээр 131dg.blogspot.com хаягийг үүсгэн байгуулж, ажиллуулж байгаагаараа энэ шагналыг авсан юм. Түүнтэй ангийн дарга, баг болгоны ахлагч нар өрсөлдсөн.
6. ОНЫ ОНЦЛОХ ҮГ

Хамгийн сонирхолтой энэ номинацид нэр дэвшигчдийг эхлээд танилцуулъя.
А. “Нямхүүг нэг ч гэсэн удаа хүн гэж авч үзье л дээ” – Х.Билгүүн
Б. “Бид хамтдаа” – Т.Саруултөгс
В. “Нямхүү улаан” – Ж.Батмягмар
Г. “Би төрүүлж өсгөсөн эцэг эхийнхээ, би хүн болгосон багшийнхаа, би төрж өссөн нутгийнхаа төлөө сурдаг, тэднийхээ төлөө зүтгэдэг, хичээдэг, ганцхан өөрийнхөө төлөө биш” – Д.Батцэнгэл
Д. “ Би уурлаагүй, харин бухимдаж байна” – А.Ундрал
Е. “Энэ чинь юу билээ, FM-ийн хөтлөгч бил үү???”- Х.Галбадрах
Ё. “Тэгэхэд би байл уу???” – Х.Билгүүн
Ингээд эцсийн дүнг нэгтгэн гаргахад Д.Батцэнгэлийн Сэлбэ амралтанд амарч байхад хэлсэн “Би төрүүлж өсгөсөн эцэг эхийнхээ, би хүн болгосон багшийнхаа, би төрж өссөн нутгийнхаа төлөө сурдаг, тэднийхээ төлөө зүтгэдэг, хичээдэг, ганцхан өөрийнхөө төлөө биш” үг шилдгээр тодорсон юм. Үнэхээр гайхалтай үнэн, ихийг мэдрүүлсэн, мэдүүлсэн, ухааруулсан үг гэдэгтэй бүгд санал нийлэх байх аа. Дараагийн байруудад А.Ундрал, Т.Саруултөгс нарын хэлсэн үгүүд орсон байгаа.
7. ОНЫ ОНЦЛОХ ҮЙЛ ЯВДАЛ
Мөн л маш олон онцлох үйл явдал шилдгээр тодрохын төлөө өрсөлдөж эцэст нь УРЛАГИЙН ҮЗЛЭГ-ийг шилдгээр шалгаруулсан. Хэдийгээр бид байранд орж чадаагүй ч гэсэн энэ тэмцээн бидэнд бид юуг ч хийж чадна гэдгийг, хэр их хүчтэйг маань бэлдүүлсэн тэмцээн болсон юм. Бид ч их хичээсэн, даанч шүүгч нар..... Ингээд урлагийн үзлэгт амжилттай оролцоход хамгийн их үүрэг гүйцэтгэснээр нь Ц.Баяржаргал, Ж.Батмягмар нарт шилдгийн шагналыг гардуулан өгсөн юм аа....

/бусад зургийг удахгүй/