Төслийн уралдааны удирдамж

Ангийн блог 131dg.blogspot.com-оос ангийнхныхаа дунд тендерийн уралдаан, сонгон шалгаруулалт зарлаж байна. Энэ бол удахгүй болох гэж байгаа шинэ жилийн баярыг тохиолдуулан, ангийн шинэ жилийн ёслолын ажиллагаа party-г хэрхэн хийх, хэрхэн баярлах, хаана хийх, хэзээ хийх зэргийг зохион байгуулах эрх олгох төслийн уралдаан юм.

Зорилго:
Ангийн шинэ жилийг хамгийн дурсамжтай, гайхамшигтай болгохын үүднээс, хүн бүхнийг өөрсдийнх нь хувь нэмрийг оруулахын тулд анги дундаа анх удаа төслийн уралдаан зарлаж байна.

Зорилт:
Хамгийн бага төсвөөр, хамгийн ихийг бүтээх зарчмын дагуу шударга үнэн шүүн явуулах. Ангийн шинэ жилийг бусдаас онцгой хийн тэмдэглэх, шинэ санааг гаргах, багаар ажиллах чадварыг төлөвшүүлэх.

Тендерт оролцогчдод тавигдах шаардлага:

- Зөвхөн 11г ангийн сурагчдаас бүрдэх ёстой.
- Ганцаараа аль эсвэл багаараа оролцож болно.
- Багт хэдэн ч хүн багтаж болно.
- Багийн гишүүдийн нэр болон багийн нэр бүхий мэдүүлгийг өгөх

Төслийн материалд тавигдах шаардлага:
- Багууд шинэ жилийн баяраа хэзээ хийх талаар нарийн тодорхой бичсэн байх.
- Шинэ жилийн баярын үйл ажиллагааг хаана хийх вэ гэдгийг нарийн тодорхой бичсэн байх.
- Баярын үйл ажиллагааны үеэр зохиогдох сонирхолтой entertainments-ийг дурьдсан байх.
- Баярыг тэмдэглэхэд шаардагдах мөнгөний хэмжээг баримт, тайлбар, тооцоотой хийн хавсаргасан байх.
- Нэг хүүхэд бүрээс гарах зардлыг тооцоолсон байх.

Хугацаа:
- Төслийг 12-р сарын 15-ны дотор шүүгчдийн зөвлөлд өгсөн байх.
- Шүүгчдийн зөвлөлөөс 12-р сарын 16-ны өдөр ялагчийг тодруулан олны өмнө зарлана.

Шүүгчид:
- Ангийн багш болон блогийн удирдлага, ангийн сурагчдаас бүрдсэн нийт 8 хүний бүрэлдэхүүн бүхий шүүгчдийн зөвлөл

Шүүх зарчим:
- Хэн бага зардлаар ихийг бүтээж чадахаар төлөвлөсөн багийг ялагчид тооцно.

За тэгээд та бүхнийг төслийн уралдаандаа идэвхтэй оролцохыг хүсч байна. Ангиараа тэмдэглэх магадгүй сүүлчийн ч байж мэдэх шинэ жилийн баяраа мартагдашгүй бас давтагдашгүй тэмдэглэхэд таны хувь нэмэр маш их байх болно.
Бүгдээрээ хамтдаа ихийг бүтээнэ. Бид Үргэлж Хамтдаа. Бид хамтдаа шинэ жилийн баярыг....
Хэрвээ та ялагч болох юм бол бид таны төлөвлөсөн төсвийг бүрэлдүүлэх болон таны буюу танай багийн удирдлагад туслан, хамтдаа зохион бүтээн, бодит ажил болгох болно.