1-р сургууль 7:3 45-р сургууль

Өнөөдөр сургуулийн спорт зааланд ДУУЛИАН-2020 хөлбөмбөгийн тэмцээний СБД-ийн 2-р хэсгийн эхний тоглолтууд болж өндөрлөлөө. 1-р сургуулийн хөлбөмбөгийн шигшээ баг 45-р сургуулийн багтай тоглон ахлах насанд 7:3-аар хожил авлаа.

1-р сургууль 7:3 45-р сургууль
Гоолууд: Батцэнгэл /1:0/ Өлзийхутаг /2:0/ Ундрал /3:0/ Ундрал /4:1/ Батцэнгэл /5:1/ Ундрал /6:3/ Батцэнгэл /7:3/
Тоглолтуудын салхийг хагалсан ахлах насныхан буюу манай ангийнхан урамтай тоглож эхний хожлоо авлаа. Талбайд гарааны бүрэлдэхүүнд Түвшинбаатар, Батцэнгэл, Очгэрэл, Ундрал, Өлзийхутаг нарыг илгээсэн байгаа. Эхний гоолыг манай багийн ахлагч Батцэнгэл талбайн гол орчмоос хаалганы баруун доод буланд оновчтой цохин хийсэн. Улмаар энэ гоолоос 1-хэн минутын дараа Өлзий мөн л баруун доод булангаас цохин 2 дахь гоолыг хаалганд орууллаа. Дараагийн гоолыг Ундрал булангийн цохилтоос Цэнгэлийн өгсөн бөмбөгийг мөргөн хаалганд эхний гоолоо хийсэн байгаа. Гэвч 45-р сургуулийнхан сөрөг довтолгоог амжилттай хийн 3:1 болгосон. Хариуг нь ч манайхан дор нь өгч Цэнгэлийн цохилтоос ойн ирсэн бөмбөгийг Ундрал нэмэн 2 дахь гоолоо хийлээ. Цэнгэл энэ тоглолтын 2 дахь гоолоо хийн 4:1 болгон цугласан хөгжөөн дэмжигчдийнхээ зүрхийг бүр хөөргөж орхилоо. Цаг дуусч байхад 45-ийнхан нэг гоол хийн эхний үе 5:2-оор өндөрлөлөө.
2-р үед манайхан хэд хэдэн сэлгээ хийсэн. Бямбаа, Зоогий, Дагваа нар талбай дээр гарч ирсэн байгаа. Гэсэн ч манайхан 1 бөмбөг алдан байдал нэлээн хүнд болж ирсээн гэж. Гэсэн хэдий ч Ундрал энэ тоглолтын 3 дахь бөмбөгөө мөн л мөргөж хийн 6:3 болгон холдуулснаар айх зүйл бараг байхгүй болсон. Сүүлд ч ахлагч маань хаалганыхаа ойролцоогоос цохилт гүйцэтгэн 7:3 болгон энэ тоглолтын цэгийг тавьснаар манайхан итгэлтэй ялалт байгууллаа...
Ер нь бол тооны харьцааг нэлээн хол болгох боломж байсан. Гэвч бөмбөн аргагүй бөөрөнхий тул 7 гоол хийлээ. Олон боломж алдсан ч гэсэн бид хангалттай сайн тоглож чадсан байхаа. Манай дунд нас 2:1-ээр хожин, бага нас 1:3-аар хожигдсоон.
Хөгжөөн дэмжихээр ирсэн Будмаа, Цэцэгдэлгэр, Ёндоо, Нямхүү, Цэнгүүн, Ори, Галаа нартаа үнэхээр баярлалаа. Улаан цагаан улаанаар ижилссэн манайхан ийнхүү гараагаа амжилттай эхлүүллээ. Гараа сайн бол...