Энэ өдрийн мэндийг нийт ангийнхандаа хүргээд нэгэн сайхан мэдээг дуулгаж байгаадаа баяртай байна. Манай ангийн Бажгаагийн ахалсан NORTH DUCKS хамтлагийн шинэ уран бүтээл тун удахгүй олон нийтийн хүртээл болох гэж байна. ДАШТ-д зориулан тэдний гаргаж байгаа энэхүү дуу яг өнөөдрөөс эхлэн албан ёсоор идэвхжүүлэлтийн ажил нь эхэлсэн бөгөөд Монголын №1 сайт GOGO болон Монголын №1 Спортын сайт CSPORTS сайтууд дээр онцлогдон, эхлэл 40 секунд цацагдаж эхэлсэн. Тэрчлэн Монголын №1 ТВ UBS телевизээр ДАШТ 2010-ийн шилдэг гоолуудын клипны болон тойм нэвтрүүлгийн theme дуу болон цацагдаж эхлээд байна. Тун удахгүй фм радио болон тв-үүдээр клиптэйгээ явж эхлэх болно. Ингээд та бүхэнд өнөөдөр тавигдсан GOGO дээрх нийтлэлийг хүргэж байна.

СЭЗДС дээр байрлах Сэтгэлзүйн "Сэдэл" клуб болон 131dg-ийн хамтран санаачилж, хэрэгжүүлж байгаа "СЭТГЭЛИЙН ИЛГЭЭМЖ" аян эхэлсэн талаар та бүхэндээ мэдээллийг хүргэж байна. Манай ангийнхны санаачлан үйл ажиллагааг нь явуулдаг "Сэдэл" клубын зүгээс сурах их хүслээр оргилуун яваа ч олон шалтаг шалтгааны улмаас эд материал, ном сурах бичигний дутагдалд яваа өнчин, ядуу олон аав ээжийн хүүхдүүдэд бага ч гэсэн тусыг хүргэх үүднээс өнгөрсөн долоо хоногуудад "СЭТГЭЛИЙН ИЛГЭЭМЖ" аяныг СЭЗДС дээр амжилттай явуулж, үр дүнтэй дуусгалаа. Дараагийн арга хэмжээнүүд 1-р сургууль болон МУИС-ийн ЭЗС дээр явагдахаар төлөвлөгдөж байгааг дуулгахад таатай байнаа. Энэ аяны үеэр чадах ядахаараа сэтгэлийн хандив тусламжаа, эд материалын болон мөнгөн хэлбэрээр хүргэж байсан багш оюутнууддаа талархлаа илэрхийлж байна. Ингээд энэ үйл ажиллагаанаас хийсэн сурвалжлагыг хүргэж байна. Блог энэхүү аяны талаар мэдээллийг байнга, цаг алдалгүй хүргэж байх болно.

Твиттер гэж сайтын тухай нийтлэл бичье гэж бодсоор нэлээн удлаа. Юу бичихээ бодох хооронд твитийн найзууд маань зөндөө гоё юм бичсээр байгаад юу ч үлдээсэнгүй. Заавал бичихгүй бол болохгүй юм шиг санагдаад арай өөрөөр бичих гэж оролдлоо...Бүгдээрээ Твиттерт нэгдэцгээе!!!

Твиттер ээ гэж...
Чи хүсмээр ч юм биш, хайрламаар ч юм биш...
Цагийн гарз, гарны ядаргаа, сэтгэлийн шаналал...
Апдэйтийг чинь гүйцэх гэж би нүдээ чилтэл уншдаг...
Аашийг чинь олж аятайхан юм бичих гэж би толгойгоо гашилгадаг...
Хэрэггүй юм бичлээ гэж хүн амьтанд загнуулдаг
Хаа хамаагүй хэрэгт дурлалаа гэж зарим нэгэнд нь зэмлүүлдэг...

Чи намайг донтуулдаг, дон тусгаад өвчлүүлдэг...
Цагийн гарз, гарны ядаргаа, сэтгэлийн шаналал
Үүр цайтал чамтай л байх гэж би нойроо хугасладаг...
Үнэн худлыг ялгах гэж чамтай би ухаан бодлоо уралдуулдаг
Хэтэрхий их юм бичлээ гэж зарим нэгэнд нь блоклуулдаг
Хуурамч нэгнийг нь андуурч дагаад сүүлд нь өөрийгөө алгаддаг.

Гэхдээ хэн ч намайг албадаагүй, би өөрөө элссэн юм.
Элссэн хойноо учрыг нь олох гэж зөндөө удсан юм.
Учрыг нь олчихоод хөөрч догдлосондоо дэндүү ихийг бичсэн юм.
Ихийг бичээд өөрөө манараад сүүлдээ донож орхисон юм.

Зүгээр нэг чат биш ээ, замыг чинь зааж зүглүүлж өгдөг юм.
Зүгээр нэг цагын гарз биш ээ, цагаа ашиглах их нууцыг хэлж өгдөг юм.
Зүгээр нэг сайт биш ээ, оюунлаг бүхний байх ёстой талбар юм.
Зүгээр нэг жиргээ биш ээ, их үйлсэд уриалсан том шувууны дуудлага юм.

Твитээс чи Обамад алуулсан ялааны хүүрийг бичлэгээс үзэж
Твитээс чи Майкл Жексоны шилдэг дуунуудыг шууд сонсож
Твитээс чи андынхаа аяллын хөгжилтэй зургийг харж
Твитээс чи хамгийн доргионд шуурхай мэдээг цаг алдалгүй авч

Хорвоотой хөл нийлүүлэн алхаж эхлэн
Хөгжил дэвшлийг энэ биеэрээ мэдэрч амьдран
Мэдээллээр бөмбөгдүүлж тархиндаа дэвшил хийж
Мэдээллээ хуваалцаж, бусдад түгээж ханамжийг мэдэрнэ.

Энд, гутрал гуниг, аз жаргалын жиргээн бүгд бий.
Энд, инээд хөөр, үхэл хагацал бүгд бий.
Энд, уур уцаар, ухаарал баяслын жиргээн бүгд бий.
Энд, урмаар тэтгэсэн шидэт үгс дүүрэн бий

Чамаас би хөгжил дэвшлийг мэдэрдэг.
Чамаас би их ирээдүйг үнэртдэг
Чамаас би бахархал, итгэлийг олж хардаг. 2009...
Заа, энэ зүгээр яахав, сайхан уран сайхны хэтрүүлэг байлаа...Шууд мэдрэмжээ биччихлээ хэхэ..Твиттерт нэгдээрэй энэ миний профайл байгаа..http://www.twitter.com/uundaa...

UBS TV-ээс зохион байгуулан үзэгчдийг байлдан дагуулж байгаа Universe Best Song-2009 уралдаанд манай гишүүн Бажгаа маань амжилттай оролцож байгааг бид үргэлж мэдээлж байгаа билээ. Тэгвэл энэ удаа бид түүний 2-р шатанд North Ducks хамтлагийн хамтаар Simple Plan хамтлагийн Welcome to my life дууг хэрхэн дуулсан бичлэгийг хүргэж байна. Мигаа, Моло 2 ч янзтай байна шүү, дээрээс нь шүүгч нар магтаад л. Дашрамд бидэнд энэхүү бичлэгийг явуулсан Яруудаа талархснаа илэрхийлье!!! Enjoy!!

СЭЗДС-д суралцаж байгаа манай ангийн хэсэг залуучууд тодруулбал, О.Энх-Оргил, Б.Оюунсайхан, Б.Золжаргал нар маань хамтран сургууль дээрээ сэтгэлзүйн таатай орчинг бүрдүүлэн, улмаар сэтгэлзүйн сэтгэлгээг хөгжүүлж, мэдлэг олгох, цаашлаад сэтгэлзүйн зөвлөгөө өгч, сэтгэлзүйн асуудлаас гарах арга замыг хайх зорилго бүхий "СЭДЭЛ" клубыг үүсгэн байгуулж нээн, өчигдөр нээлтээ хийлээ. Манай ангийнхнаас сургууль дээрээ болон нийгмийн амьдралд хийж буй хамгийн эхний томоохон алхам гэж хэлж болохуйц энэхүү клуб нь анхлан 5 гишүүнтэйгээр байгуулагдаж байгаа бөгөөд хэн хүссэн нь тэдэнтэй нэгдэн, нэгэн зорилгын дор, зөв хүн болж төлөвших, төлөвшихөд туслах талаар үйл ажиллагааг өрнүүлж, хамтран ажиллах боломжтой юм. Клубын ерөнхийлөгчөөр О.Энх-Оргил томиогдон үүрэгт ажилдаа ороод байгаа бөгөөд нээлтийн үеэр хийсэн зурган сурвалжлагыг 131dg.blogspot.com та бүхэндээ хүргэж байна.

"Ханын Самбар"УРИЛГА featured ТЭМКАҮүсгэн байгуулагч Золоо үүдэн дээрКлубын ерөнхийлөгч болон салбарын ерөнхийлөгчSpecial Guest BAJGAAСЭДЭЛ КЛУБЫГ ҮҮСГЭН БАЙГУУЛАГЧИДКлубын нээлтэнд ирсэн бидний хэсэг нөхөд

North Ducks хамтлагийн 1-р сургуулийн 85 жилийн баярт зориулсан тоглолтон дээр буюу "Аса" циркийн тайзнаа дуулсан "Шинэ дуу"-г та бүхэндээ хүргэж байна. Тун удахгүй, Бажгаагийн Universe Best Song дээр дуулсан дууны бичлэгийг тавих болноо.


Татах /mp4 форматтай/