131dg-ийн гишүүн Л.Мөнх-Очир Програмчлалын Азийн Бүсийн Олимпиадаас хүрэл медаль хүртсэн мэдээг та бүхэнд шуурхай мэдээ болгон хүргэж байгаадаа баяртай байна. МУИС-ийн МКС-ийн Програм хангамжийн ангийн 3-р курсын оюутан, 131dg-ийн шилдэг гишүүдийн нэг Л.Мөнх-Очир МУИС-ийг төлөөлсөн багийн хамтаар  10-р сарын 15-17-ний хооронд БНХАУ-ын Тьянжин хотноо явагдсан Ази Тивийн 35 дахь удаагийн бүсийн олимпиадад амжилттай оролцон хүрэл медалийн болзол хангасан байна.

Австрийн сэтгэлзүйч Альфред Адлер “төрөлтийн эрэмбийн онол”-ыг үндсэлсэн аж. Түүний онолоор айлын хэд дэх хүүхэд байх нь тухайн хүний зан төлөвт нөлөөлдөг бөгөөд айлын хэд дэх хүүхэд байхаас хамаарч хүний зан төлөв доорх байдлаар байна гэж томъёолжээ:

Ууган хүүхэд

Ууган хүүхэд нь дүү нараасаа илүү хариуцлага хүлээдэг. Тэд дүү нараа өсгөхөд оролцдог тул анхнаасаа хариуцлагатай болж эхэлдэг. Энэ байдал нь тэднийг аливаа юмыг хянах хүсэлтэй болоход хүргэдэг. Ихэнх ууган хүүхдүүд “сайн” хүүхэд болж хүмүүждэг ба дүү нартаа үлгэр дууриал болдог. Ууган хүүхүүдийн нийтлэг шинж чанар:

• Өөртөө итгэлтэй
• Зохион байгуулах чадвартай
• Өндөр зорилго тавьдаг
• Оюуны чадавхи өндөр
• Хуучинсаг үзэлтэй

Ууган хүүхдүүд манлайлах хүсэл сонирхол, авьяастай байдаг. АНУ-ын ерөнхийлөгчдийн бараг тал нь ууган хүүхэд байдаг . АНУ-д явуулсан судалгаагаар ууган хүүхдүүд оюуны итгэлцүүр өндөртэй байдаг. Мөн “Тайм” сэтгүүлийн хийсэн судалгаагаар нийт СЕО-ийн 43% нь айлын ууган хүүхэд, 33% нь айлын дунд хүүхэд, 23% нь айлын отгон хүүхэд байжээ.

Өнөөдөр 10.10.10-ны өдөр.

Хоёр тавын арав, нэгэн арвын арав . Арвын тоо бол тэгш тоо . Бид аравтын тооллын системд тоо боддог. Чингис хааны байгуулсан Их Монгол улс аравтын зохион байгуулалттай байсан.

Бид ардын хувьсгал ялсны 60,70,80,.. жилийн ой гэж тэмдэглэдэг, тэр наадмуудаар л 1024 бөх наадамд барилдахыг үздэг. Мөн албан байгууллагууд **0 ойн жилийн баяр гэж тэмдэглэдэг.

Дэлхийн татах хүч ойролцоогоор 10 м/с2 байдаг. Хөлбөмбөгт бол багийн түлхүүр тоглогчид л 10 гэсэн дугаарыг эзэмшдэг.

Он тооллын хувьд ярих юм бол манай эрний 3 дахь мянганы хоёр дахь 10 жил эхэлж байна.Харин миний хувьд 3 дахь арван маань эхэлж байна.

Би бол өөдрөг үзэлтэй хүн. Тийм болохоор хүн төрөлхтөн , тэр дундаа бидний Монгол улс мөнх оршино гэдэгт итгэж, бурхандаа залбирдаг. Мөнх орших хүн төрөлхтний хувьд 10 жил гэдэг бол хумхын тоостой дүйх хэмжээний тийм өчүүхэн бага хугацаа юм. Харин хувь хүний хувьд 10 жил гэдэг бол юм юм тохиолдож болох бага биш хугацаа.

Хүн гэдэг нийгэмшсэн амьтан эхний арван жилдээ тэнтэр тунтар алхдаг, хоёр гурван үг шулганандаг болж хорвоо ертөнцтэй танилцах эцэс төгсгөлгүй аяллаа эхэлдэг. Улмаар цэцэрлэг, сургуульд орж байгалийн гэхээсээ илүү нийгмийн бүтээгдэхүүн болж эхэлдэг. Харин хоёр дахь арвандаа хүүхэд наснаасаа салж хуулийн өмнө бие дааж хариуцлага хүлээх хэмжээнд хүрч, амьдралд тохиолдох хамгийн чухал сонголтуудынхаа нэгийг хийдэг. Үүнээс хойшхи “арав”-ууддаа хүн өөрийнхөө амьдралыг өөрийн гараар цогцлоон бүтээдэг...

Зарим хүмүүс “ганцаараа бол хурдан явна, олуулаа бол хол явна” гэж ярьдаг. Харин үүнийг ингэж өөрчилмөөр байна. Нэг багт байгаа хүмүүс өөр өөрсдийнхөө ажлыг хийх буюу нэг нэгээрээ хурдан явах хэрэгтэй. Ингэснээр нэг багийнхан буюу олуулаа байгаа хүмүүс хурдан бөгөөд хол явах болно.Ийм болохоор бид дор бүрнээ хичээх ёстой. Ингэж байж бид хурдан бөгөөд хол явах болно.


Бүгдээрээ дараа дараагийн арван жилдээ бусдаар юмаа хийлгэдэг биш өөрсдөө юмаа хийдэг болж, бусдад сүүдэрлэдэг биш бусдыг гэрэлтүүлдэг болж, “шимэгч” биш “бүтээгч” болж 131dg гэсэн нэрээ өндрөөс өндөрт өргөж, Монгол улсаа хөгжүүлэн дэвжүүлэхийн төлөө хамтдаа зүтгэе!!! Бид үргэлж хамтдаа.