Энэ өдрийн онцлох хүүхэд- Н.Оргил

За тэгээд ойрд блог дээр бичигдээгүй блогийн хамгийн их хүн уншдаг, мөн хамгийн их сэтгэгдэл бичигддэг булан болох Энэ өдрийн онцлох буландаа бид салхи оруулахаар шийдлээ. Тэгээд хэдхэн хүүхэд л үлдчихсэн байгаа учраас бид эхлээд Монгол улсын аварга Оргилыг та бүхэнтэй уулзуулъя.

Бүтэн нэр: Ноож Оргил
Төрсөн он сар өдөр: 1990.08.21
Төрсөн газар: Монгол
Хобби: Swimming, Running, Biking
Сонирхол: Athletic Life
Дуртай өнгө: Улаан, хар, ягаан
Дуртай хамтлаг, дуучин: A Sound, Mohanik, North Ducks, Keane, Greenday, Paul McCartney, The Beatles
Дуртай кино: AVSP, Ну Погоди!!!,
Хэлэх дуртай үг: Атгасан гар шиг байя!!!, Fast!!!
Би Оргилын талаар тийм ч ихийг нуршмааргүй байгаа ч хэдэн зүйл хэлэхгүй бол болохгүй нь ээ. Оргил бол спортсмэн. Гэр бүлээрээ жинхэнэ спортын хүмүүс. Тэрбээр сагсаар ч тэр, хөлбөмбөгөөр ч тэр ангийнхаа шилдэг тоглогчдын нэг. Спартакиадад манай ангийн амжилт гаргадаг байсны түлхүүр нь чухам Оргил байсан. Гүйж, сэлж, жийдэг тэсвэр хатуужлыг шалгадаг Триатлоны спортоор Улсын Аварга болсон, сэлэлт, дуатлоноор ч чамгүй амжилт гаргасан. Түүний хатуужил, тэсвэр, авьяас чадварыг энд би магтмаар байна."Хар" гэж найзууд нь дууддаг түүний зохион байгуулах авьяасыг энд дурьдахгүй өнгөрч болохгүй. "6 хуруутай атгасан гар" баг нь блогийн тендерт ялж байлаа, олон олон шинэ жилийг зохион байгуулж, бас ч дутахгүй зугаалгыг санаачилдаг, бас санаагаа хэрэгжүүлсэн удирдагч юм аа...
Оргил бол урлагийн хүн. Урлагийн үзлэг болохоор л гол хүмүүсийн тоонд хүссэн хүсээгүй орчихдог, үүргээ ч сайн биелүүлдэг. Бүжиглэдэг, амжилт үзүүлсэн, ARCTIC PENGUINS хамтлагийн гишүүн. Бас хун ч болоод үзчихсэн гэж байгаа. Энд түүний уян хатан чанар, эвсэл, мөн эр зориг, шантаршгүй байдлыг магтан бичье.Хаана л ангийн нэр гарна, тэнд Оргил хадаастай. Ангийнхантайгаа жаргах цагтаа хамтдаа байж, тэр бүхнийг нь зохион байгуулахад үргэлж хувь нэмрээ оруулан ажиллаж байдаг цуцашгүй нэгэн. Яавал бид жинхэнэ нэг анги шиг, яавал бид хамгийн шилдэг нь байх вэ гэдэгт үргэлж санаа тавин, зовохдоо хамтдаа зовж, ангийнхаа төлөө өөрийн биеэ ч харамгүй зориулдаг эх оронч гэдэг шиг ангич хүүхэд юм аа.
Бид түүнийг дараа жилээс ШУТИС-аас хайх хэрэгтэй болох нь.. Аль эсвэл Улсын шигшээ багийн тамирчин Оргил ч гээд хайж болно.. Ирээдүйд олимпийн аварга, аль эсвэл удирдагч ч болчихсон явж байж мэднэ, тиймээ түүнийг Ноожийн Оргил гэдэг, 131dg-ийн гишүүн...
Илүү зургийг эндээс...