2007 оны 7 Онцлох үйл явдал

7. Түүхэнд бичигдэх ялалт буюу Багш нарын багийн ялагдал

2007 оны 5 сар. Г.Зол-Эрдэнэ, Б.Очгэрэл, Б.Түвшинбаяр, Б.Баттөр, Н.Оргил, Ж.Батмягмар, Э.Мөнхсаруул, М.Өлзийхутаг, А.Ундрал- 10г ангийн сагсан бөмбөгийн эрэгтэй баг Сургуулийн аварга шалгаруулах сагсан бөмбөгийн тэмцээнд Багш нарын хүчирхэг багийг буулган авч сургуулийн сагсан бөмбөгийн түүхэнд нэгэн цоо шинэ хуудсыг нээлээ.

....Онооны харьцаа 1:9 байх үед 10а анги завсарлага аван талбай дээр давхар сэлгээ хийн, улмаар тоглолтын санаачлагыг гартаа аван онооны зөрүүг +8 болгон холдуулсан ч эцсийн үр дүн 1 онооны зөрүүтэй 10г ангийн давуутай өндөрлөн хэсгийн үр дүн 10а ангид ашигтайгаар эргэлээ....Ямар гайхалтай тоглолт, ямар гайхалтай багийн тоглолт вэ???

Албан ёсны тэмцээнд өмнө нь 2-хон удаа л хожигдоод байсан багш нарын хүчирхэг багийг ийнхүү манай ангийн баг хожсон нь үнэхээр ОНЦЛОХ үйл явдал мөн юм.

Хэсгийн сүүлчийн тоглолтоо хийж буй 2 багт аль алинд нь хожил л хэрэгтэй байсан юм. Багш нарын баг өмнө нь 10а ангийг хожсон байсан ч хожиж хэсгээс гарах эрхээ баталгаажуулах, 10г анги 10 ангид хожигдсон ч бөмбөг тоолон хэсгээс гарахын тулд 10-аас дээш онооны зөрүүтэй ялалт байгуулах... Ийм л нөхцөлд ангийнхныхаа дэмжих уухайн түрлэг дуунд ялалт байгуулж билээ, тэр нэгэн орой...

Эцсийн үр дүн нь хамаагүй ч тэр тоглолт бидэнд өөрсдөдөө итгэлийг мэдрүүлж, бусдад хүч чадлыг маань мэдүүлж, хамгийн гол нь хүсвэл, нэгэн гарт зорилгоо төвлөрүүлбэл юуг ч хийж чадах юм байна гэдгийг ойлгуулсан тоглолт болсон юм.